Wala nagpaulahi ang mga tulunghaan nga Tagurot Elementary School ug Kiotoy Elementary School sa pagpahigayon sa ilahang unang adlaw sa limitadong face to face classes alang sa Kinder hangtod Grade 3. Kapin dul-an 85 ang mga mitambong sa Tagurot ES ug 73 sa Kiotoy ES. Usa sila sa dugang na lima (5) ka mga tulunghaan ang nag-abri sa pagbalik sa klase kauban ang Sindaton ES, Sta. Cruz ES, ug P. Changco ES sa adlawng Abril 18, 2022.

Lakip niini, sila nakapasa sa mga rekisitos ug validation na gimugna gikan sa lokal na IATF, Department of Education, ug Lokal nga Panggamhanan. Adunay programang gihandog kanila pinaagi sa paghatag og pahalipay dala ang mascot na sila Mickey ug Minnie Mouse apil ang paghatag og school supplies isip dugang materyales sa ilahang panag-eskwela.

Atol sa programa, nagpaabot og mensahe si Panabo City Division PSDS Reynaldo Deocampo Jr., “Karong adlawa magsugod nata og skwela, atong pasalamaton ang mga tao luyo niini nga katumanan, ang mga magtutudlo, barangay council, city officials, ug mga ginikanan sa pagkuyog sa atoang pag-abri sa limited face to face classes. Salamat sa inyong paningkamot ug hopefully, magpadayon pa ang kalihokan ug luwas kitang tanan sa hulga sa pandemya.”
Madasigon usab nga miapil sa klase ang mga estudyante sa Kiotoy ES nga nagpakita sa ilahang kalipay human sa kapin duha (2) ka tuig na kwarantina.

Anaa sa kalihokan si SDS Reynante A. Solitario, PSDS Avelino D. Bitang, Education Program Supervisor Keren Luma, School Heads Emily A. Ibo ug Jemima R. Deiparine, barangay officials, ug mga magtutudlo sa mga maong tulunghaan.

l M. Lagura
Photos: E. Pan