Septyembre 1, 2022 — Opisyal nang gi turn-over ang one (1) storey building nga adunay duha (2) ka classroom with comfort room sa San Vicente Elementary School. Ang maong classroom magamit na sa mga estudyante sa maong tulunghaan sugod sa School Year 2022 – 2023.

Ang maong proyekto ilawom sa 10-Point Agenda ni City Mayor Jose E. Relampagos nga Infrastructure Development ug Educational Support diin prayoridad niya ang mga panginahanglanon sa mga public schools aron nga mas mapalambo pa ang mga kaalam ug kahanas sa mga estudyante pinaagi sa komportable ug tarong nga pasilidad.

Sumala pa ni Executive Secretary Josie Mary “JM” G. Relampagos isip representante ni Mayor Relampagos, mapadayunon ang mga programa ni mayor hilabi na sa kaayohan sa mga mag tutudlo ug estudyante labaw na nga nag sugod na ang klase. Dugang pa ni JM, “We are very much happy nga magamit na gayud sa mga studyante ang classrooms nga gikan sa LGU Panabo. Dako usab among pasalamat sa mga uban pang ni lihok aron mapatuman ni nga proyekto! Service to Panaboans, Service to God.”

Dako usab ang pasalamat ni Rosemarie S. Patriarca, School Head sa maong tulunghaan mahitungod sa makanunayong nga pagtagad ni Mayor Relampagos sa ilang skwelahan. Ingon pa niya, “Thank you sa walay puas na support, kindness and generosity ni Mayor Joe. Pinalahi gayud ang building, complete package gyud sya.”

Mahinumduman nga gipahitabo ang groundbreaking ceremony sa maong proyekto adtong Oktubre 29,2021 nga gi adtoan ni City Information Officer Michael Angelo Resueno isip representante ni City Mayor Jose E. Relampagos.

Anaa usab sa groundbreaking ceremony si Dep-Ed Division OIC Neil De Asis, isip representante ni Schools Division Superintendent Reynante Solitario, Engr. Joanne Mazo isip representanti ni City Engr. Bernardo Rabanoz, Jr, Brgy. Kagawad Ruth Ortegosa, Administrative Officer Raul Gacus, Engineer Erick Valencia, PTA President Rosemarie Ybanez.

✍️ – Gen Alforque – CIO, Research Unit
📸 – M. Gentiles – CIO, Research Unit