Agosto 30, 2022 – Nasungkit ni Dacelle Izra Davad, usa ka BA Communication student sa University of the Philippines -Mindanao, ang First Place sa ikaduhang News Broadcasting Competition (Open College Category) sa gipahitabong Press Freedom Day sa Panabo City.

Atol sa maong contest, gipakita sa napulo ka mga partisipante ang ilang ka hawod sa pagsibya sa lokal, nasyonal, ug international nga mga balita.

Second Place mao si Ivy Parido nga taga Davao del Norte State College, Third Place si Sherwin Vinz Dismas nga taga Lyceum of the Philippines – Davao, Fourth Place si Russel Amoroso nga taga University of Mindanao – Davao, samtang si Caren Jane De Vera nga taga DNSC ang nabutang sa Fifth Place.

Gipaabot usab ni Davad ang iyang mensahe sa mga journalists, “To all journalist kagaya ko, padayon mo sa inyong dreams sa inyong pagsulat o pag broadcast and be confident sa inyong talent labi na sa inyong voice ug makahatod og tama na balita o impormasyon.”

Mitambong ang mga inila na mga hurado sa News Broadcasting sila TV Correspondent at GMA Network Davao Miss Jandi Esteban, PG Department Head-Provincial Information Officer at Provincial Government of Davao del Norte Dr. Mervin Jay Z. Suaybaguio ug si Board Member sa Movie and Television Review and Classification Board Rico S. Pableo Jr.

Ang Press Freedom Celebration sa Panabo City nagsugod adtong Agosto 24, 2022. Gipangunahan kini sa Local Media Board sa Panabo ug sa Lokal nga Panggamhanan. Subay sa selebrasyon sa Republic Act 11699 ni Presidente Rodrigo R. Duterte.

✍️Dolly Amag, CIO-PIRO
📸Emman Pan, Multimedia