Pagasugdan na ang pagbakuna sa 12 anyos hantod 17 anyos sa siyudad sa Panabo karong lunes, Nobyembre 8, 2021 basi sa Circular no. 0482 of 2021 sa Department of Health (DOH).

Sa mga kabataan nga gusto magpabakuna gikinahanglan ang presensya sa ilang mga ginikanan atol sa pagpabakuna. Dili mahimong bakunahan ang bata kung wala ang iyang ginikanan apil na ang pagdala og Birth Certificate sa bata aron sa seguridad ug pagtugot sa bata sa pagpabakuna.

Kung walay birth certificate ang bata, adunay mga sekondarya nga mga dokumento nga gikinahanglan ipakita aron sa pagpamatoud na ginikanan sa bata ang iyang kauban panahon sa pagpabakuna.
(1) Certificate of Baptismal;
(2) School Records sama sa transcript of records o Form 137;
(3) Barangay Certification nga naga pakita nga ikaw ang ginikanan;
(4) Court Decree o Adoption;
(5) Persons With Dissabilities ID sa bata;
(6) Sa mga bakunahan usab nga anaa sa abroad ang ginikanan, mamahimong magdala ang guardian og Affidavit of Guardanship o Special Power of Attorney nga gisaysay ang pangalan sa legal guardian sa bata; ug
(7) Uban pang dokumento nga nagpamatuod nga ginikanan ang kauban sa bata.
(😎 Sa mga bata nga adunay COMORBIDITY, magdala og medical certificate gikan sa pediatrician.

Sa mga adunay pangutana mamahimong mo message sa Panabo City Health Office facebook Page.

|GeneRose Alforque, CIO-PIRO