Pebrero 24, 2022- Gipadayon sa parteng South B na mga barangay ang Serbisyong Barangay (Oplan Kalinaw) aron ihatod ang mga libreng serbisyo gikan sa opisina ni City Mayor Jose E. Relampagos.

Adunay 204 ka mga residente sa Barangay Buenavista ang nakabenepisyo sa mga libreng serbisyo sama sa medikal check-up sa mata ug panglawas, anaa ang pagpanghatag og mga bitamina, medisina, reading glasses, serbisyong beterinaryo sa mga alagang hayop, ug libreng gupit.

Ang Serbisyong Barangay (Oplan Kalinaw) nagalayon na mahatagan og igong serbisyo ang katawhan sa siyudad ug matagad ang ilang hangyo na makab-ot ang tabang panglawas na ilang gusto.

Kauban sa kalihokan ang Delfin Optical Clinic, City Health Office, City Veterinary Office, ug City Mayor’s Office sa pag apod-apod sa mga serbisyo alang sa mga benepisyaryo.

Laoman nga karong Pebrero 28, 2022 maabot ang Serbisyong Barangay sa Barangay Sta. Cruz.

l M. Lagura
Photos: CMO