Naabot na sa Barangay Salvacion ang programa ni City Mayor Jose E. Relampagos nga pagpa-aspalto sa mga kadalanan. Adtong Pebrero 22, 2022, ang Lokal nga Panggamhanan gisugdan ang pag-aspalto sa Purok 1 ug Purok 4. Gibutangan usab og proper drainage ang Purok 1 aron malikayan ang pagbaha na posibleng makadaot sa aspalto o sa mga lumulupyo ug gi-prepara ang dalan sa Purok 4 aron hapsay ang dagan ug dili magbalik-balik sa agi panahon sa pag-aspalto.

Mahinumduman nga gikan tuig 2019, ubay-ubay na nga mga barangay ang nakasinati og haruhay na dalan tungod sa pag-ayo, pag-aspalto o pag-konkreto niini. Sa kasamtangan, ginapadayon gihapon kini aron masulbad ang problema sa daot nga dalan ug aron luwas ang katawhan sa posibleng katalagman.

Ang maong proyekto ilawom sa iyang 10-point Executive Agenda na Road Construction and other Infrastructure Development. Usa kini sa gipahamtang na road rehabilitation program alang sa mga barangay sa siyudad ug sa paghatag og aksyon sa mga molo sa mga residente mahitungod sa lapok ug batsi na dalan.

l M. Lagura
Photos: CMO