Hunyo 21, 2021 — Temporaryong gipaundang ang operasyon sa Barangay Business One-Stop-Shop tungod gipailawom ang probinsiya sa General Community Quarantine (GCQ) gumikan sa nisaka nga kaso sa COVID-19.
Nagpagawas usab si City Mayor Jose E.Relampagos og tulo (3) ka memorandum order (1295,1296,1297) alang sa mga kapitan sa mga barangay nga nagpahibalo sa pagkansela sa Barangay Business One-Stop-Shop.
Ang mga barangay nga naka skedyul sa bulan sa Hunyo kay:
(1) Cacao;
(2) Kauswagan;
(3) Consolacion;
(4) Malativas;
(5) Upper Licanan;
(6) Mabunao;
(7) San Nicolas;
(8 ) Kiotoy;
(9) Sta. Cruz;
(10) Buenavista;
(11) Dalisay;
(12) San Roque;
(13) Katualan;
Sumala pa ni Licensing Officer III Juliet S. Nacario nga ang Barangay Business One-Stop-Shop mahimong hinungdan sa pagtapok sa katawhan. Ingon pa niya, “Since nagadaghan na ang cases sa COVID-19 sa atong siyudad, temporaryo namo kining gipaundang para malikayan ang pagtakod sa virus.”
Gilaoman nga mabalik ang operasyon sa Business One Stop Shop pagkahuman sa GCQ o kung dili na ma-extend ang General Community Quarantine sa bulan sa Hulyo.
Ang pagpailawom sa GCQ napatuman pinaagi sa Executive Order No. 26 ni Governor Edwin I. Jubahib.
| Sonny L. Calizar, CIO – PIRO
📸 | Rommel D. Cayas, CIO – Multimedia
