Gibutyag ni National Immunization Program Coordinator Mafel R. Mugas, RN sa City Health Office nga ubay-ubay ang nagduha-duha nga pabakuna gumikan nga mahadlok sila sa epekto niini human sa mga nikalat nga fake news o panghadlok kabahin sa bakuna.

Dungag pa ni Mugas nga bago ma aprubahan ang bakuna, aduna pay testing ug clinical trials ang gi buhat. “Hangyo lang mi nga dili mopataka og balita. Instead, motabang kita para mapabakuna ang katawhan kay grabe ang pagpaningkamot sa gobyerno para mabakunahan ta,” ingon ni Mugas.

Ang pagbakuna batok COVID-19 makatabang sa pagpugong sa grabeng sintomas sa COVID-19.

Mamahimong mobasa sa mga lihitimong website o facebook page aron maka kuha og tama nga balita sama sa Department of Health, Healthy Pilipinas, City Government of Panabo, o Panabo City Health Office.

| Gen Alforque – CIO