June 1,2021 – Nanumpa ang 72 ka mga barangay sanitary inspectors, purok leaders, ug mga barangay functionaries sa nagka lain-laing barangay sa Panabo City isip mga Deputized Barangay Solid Waste Management Enforcers. Nahitabo ang Oath Taking Ceremony sulod sa New City Hall, Panabo City.

Ang pagpanumpa sa mga SWM Enforcers nagpamatood nga ipatuman nila ang City Ordinance 25-08 o ang Ecological Solid Waste Management Ordinance sa Siyudad sa Panabo sa ilang mga barangay.

Sumala pa ni City Mayor Jose E. Relampagos, “Dili ta magpabaya kay sayang atong seminars and trainings to enforce the law. Hangyo nako sa inyoha nga atoang e-implement ang atong balaod.”

Dugang usab ni CENRO Department Head Engr. Felix Jonases P.Senajon nga “Ang programa gipaningkamotan sa LGU Panabo isip sinugdanan nga mamahimong limpyo ang palibot sa barangay og siyudad labi na priority ni Mayor ang problema sa basura.”

Gipangunahan usab ni City Councilor Hon. Emeterio Blase ang oath taking sa mga Barangay Solid Waste Enforcers.

|MCG