Agosto 26, 2021 – Nagpahigayon og Mobile Registration alang sa PhilSys ID ang Barangay San Pedro nga adunay 200 ka mga tawo ang target nilang marehistro. Gipahitabo ang kalihokan aron masmapadali ug mapaduol kini sa mga tawo nga gustong magparehistro sa PhilSys ID. Ang serbisyo sa Philippine Statistics Authority (PSA) sa maong barangay hantod lamang sa Agosto 28, 2021.

Ang mobile registration magsugod og 8:00 sa buntag hangtod 5:00 sa hapon. Nagpahimangno si Registration Center Supervisor Louie Velasco nga mga residente lamang sa Barangay San Pedro ang ilahang dawaton nga magparehistro. Dugang pa niya, “Dili man kini pugsanay pero kung adunay panahon aron magparehistro, muadto lamang (sa area) kay importante ang pagkuha og National ID kay magamit kini puhon.”

Para makaparehistro, magdala lamang og usa ka government-issued ID o kung walay government issued ID hilabi na sa mga bata, magdala lamang og original birth certificate (PSA/NSO/Certificate of Live Birth). Ang tanan ginamando nga magsunod sa minimum public health protocols sama sa pag suot og facemask ug faceshield ug dili kalimtan ang physical distancing.

Nagsugod na usab ang registration alang sa mga batang nag-edad og singko anyos hangtod 17 anyos apan kinahanglan sila magpauban og guardian o ginikanan.

Sa mga gusto magparehistro via online, mamahimong mofill-out sa https://register.philsys.gov.ph o moadto lamang sa Panabo Multi-Purpose Tourism Cultural and Sports Center.

Sa kasamtangan, wala pay eskedyul alang sa sunod nga mobile PhilSys ID registration pero ginahan-ay na kini sa PSA para sa sunod na mga barangay.

Magpaabot lamang sa mga umaabot nga mga pahibalo.

| Tim Acebedo, CIO-PIRO
📸 | Rommel Cayas