Agosto 26, 2021- Gipahigayon ang unang adlaw sa Livelihood Skills Training on Dishwashing and Liquid Detergent Making ngadto sa 50 ka mga pantawid pamilya (4Ps) beneficiaries sa tibuok siyudad sa Panabo. Sa ikaduhang adlaw, Agosto 27,2021, gilaoman nga 30 ka benepisyaryo ang motambong.

Layon sa kalihokan nga makahatag og tabang sa mga benepisyaryo ilabina sa ilang panginabuhian. “Adunay pud silay dungag nga kaalam ani nga magamit sa pang personal,” ingon ni DSWD City Action Team Leader Mary Ann S. Eblamo. “Makabaligya sila aron maka generate pud sila og income.”

Si Edelyn Agustine Quijada, 39 anyos, taga barangay Southern, malipayon nga misaysay, “Dako gyud ni siya og tabang sa amo ilabina karon nga pandemya kay ang uban sa amo isip ginikanan kay naa ra sa balay. Pwede mi magbuhat ani para sa balay ug pwede pud pang negosyo.”

Nahitabo ang kalihokan pinaagi sa inisyatibo sa Department of Social Welfare and Development (DSWD) ug sa pakig-alayon sa Public Employment Service Office (PESO).

| Margot Lagura, CIO PIRO
Photos by: Aljun Castilla