Abril 26,2021 – Gipahitabo ang Period Monitoring and Evaluation alang sa mga barangay Violence Against Women (VAW) Desk officers sa ABC Hall, Barangay New Pandan para hisgotan ang mga angay buhaton sa mga kaso kabahin sa VAW sa isig barangay lakip na ang pagreport niini.

Matod pa sa Gender and Development (GAD) Focal Person Libertad V. Regis, mamahimong mapakusog ang referral system kung adunay kaalam ang mga Barangay VAW-Desk officers kung si kinsa ang doolan sa partikular na kaso. “Gipahigayon namo ni kay magbisita mi kada barangay ug amo silang e-evaluate ug inspect kabahin sa VAW-Desk offices kung efficient ba ilang trabaho nga mo-address sa mga VAW cases,” dugang niya.

Si Gaydelle G. Montimor, 33 anyos, nagpaabot sa iyang pasalamat sa nahitabong diskusyon. “Malipayon kaayo kay na-address gyud among mga panginahanglan ug pangutana kabahin aning mga kaso ug unta mapadangat ni sa mga katawhan sa barangay.”

Ang maong kalihokan kay mahitabo quarterly pinaagi sa GAD Office kaubanan ang mga representante sa nagkandaiyang mga offices: City Administrator Pedrito A. Misoles, City Legal Office GAD Focal Person Lyne Marie P.Pelingon, City Legal Office Administrative Officer V Hannah T. Gadia, Social Welfare Officer I Rhea Mae A. Parcia, PNP WCPD Investigator PSSG Jovelyn Ungab, ug ang mga barangay VAW Desk officers.

Natapos ang diskusyon sa pagpanghatag og mga face masks, advocacy T-shirts ug drawers.

|Margot Lagura, GIP
📸| Rommel Cayas