Menu

Abril 26,2021 — Gipahitabo ang pagturn-over og Project Hotline Kits gikan sa Smart Communications Inc. para sa City Government of Panabo, uban ang paglunsad sa InfoCast System.

Ang Project Hotline Kit adunay sulod nga cellphone ug Smart simcard para gamiton sa City Health Office. Pinaagi kini sa inisyatibo sa City Information Office (CIO) nga mahapsay ang komyunikasyon sa katawhan kung aduna may kabalaka sa sakit nga COVID-19 gumikan nga personal nga cellphone ug load ang ginagamit sa City Health Office.

Gilunsad sabay sa Project Hotline ang InfoCast System aron magamit sa pag “text blast” og mga advisories, announcements, o balita gikan sa LGU-Panabo padulong sa publiko. Gihimo usab nga administrator sa maong systema ang CIO gamit ang ngalan nga “LGU Panabo”. Sa kasamtangan, magsugod na og kolekta ang maong opisina sa mga cellphone numbers sa mga heads sa mga opisina, asosasyon, organisasyon, ug uban pa.

Gawas niini, gigawaran sa Smart ang mga grupong midaog sa Wall Mural Design Contest diin nasungkit sa JuanArts ang First Place, 1st runner-up ang grupo sa “Doot na ni!”, ug 2nd runner-up ang grupong Connoisseurs League.

Ang hotline sa COVID-19 matawagan o matext sa numerong 09516534364.

Ang moang kalihokan gitambungan ni Executive Assistant III ni City Mayor Jose E.Relampagos nga ni Jo-anne R. Capuyan, City Information Officer Michael Angelo A.Resueño, Assistant City Health Officer Dr. Eranie L. Pangilinan ug ni City Tourism Officer/ Executive Assistant II Allan Roy Gencianos. Ang Smart girepresentahan nila Communication Customer Development Manager for Davao Del Norte Julpert Lapura, Smart Provincial Distributor Hubert Jason Uy, ug ni Smart Solution Specialist Monica Venus.

| Sonny L. Calizar, CIO – PIRO
📸 | Rommel Cayas

Categorized in Featured , News Release

Related Posts