Espesyal na giila ang City Government of Panabo isip Best in eGov Data-Driven Governance (D2G) Nominee sa tuig 2018 sa gipahigayong “2018 Digital Cities PH Awards: Best Practices in eGovernance”.
Gisugdan ang digitalcitiesPH Awards o ginatawag na eGov Awards tuig 2012. Isa kini na hiniusang inisyatibo sa Department of Information and Communication Technology (DICT), Department of Interior and Local Government (DILG) and National ICT Confederation of the Philippines (NICP).
Gi awhag niining award ang mga syudad, probinsya, ug munisipalidad sa pagpalambo ug pagsagop sa mga bag-ong digital nga solusyon alang sa mas maayo nga pagdumala ug user friendly na kasinatian sa komunidad.
Gihatag ang nahisgutang award kaniadtong October 12, 2018 sa Philippine International Convention Center (PICC), Roxas Boulevard, Manila.