Enero 13, 2023 – Human sa courtesy call sa Philippine Coast Guard Panabo, nakighinabi nasad si City Mayor Jose E. Relampagos sa mga personahe sa Bureau of Fire Protection Panabo City nga gipangulohan ni City Fire Marshall, CINSP Janet Mapesos-Lequigan, didto sa City Mayor’s Conference Room, 3rd Floor, City Hall.

Nahisgutan sa pagbisita ang mga katumanan sa opisina sa BFP Panabo. Gipaabot sad nila nga pakusgan pa ang fire safety awareness alang sa mga katawhan pinaagi sa programa nga “Oplan Ligtas na Pamayanan.”

Sigon pa ni Mayor Relampagos nga mapasalamaton siya sa BFP Panabo tungod sa paghatag og saktong serbisyo sa mga katawhan nga nanginahanglan kanila. “Gusto nako nga maghatag gyud mo og lecture sa mga katawhan, aron makabalo sila sa mga saktong buhaton kung adunay kalamidad nga mo abot”, dugang pa ni Mayor Relampagos.

Gisugyot sad ni Mayor Relampagos nga magdugang og bag-ong substation sa mga lagyong barangay ug pagdungag og mga bag-ong fire truck.

Atol sa pakighinabi anaa sad ang presensiya ni City Councilor Omar Ranain.

#PanaboCity
#ImportanteInformed
#ServicetoPanaboansServicetoGod

|MCG
📸 R. Cayas