Nagpadala ang Bureau of Fire Protection og personahe kauban ang siyam (9) ka mga BFP Special Rescue Force sa Davao Region sa CARAGA Region aron mutabang sa clearing operation sa lugar human na agian kini sa Bagyong Odette ug nagbilig daghang distraksyon sa kadalanan ug kabalayan.

Ang pagpadala sa BFP Special Rescue Force inisyatibo ni Fire Chief F/ Director Louie S Parangan inubanan ni DCO CSupt Wilberto Rico Neil A Kwan TIU ug Regional Director XI CSupt Sydney Besana nga gisuportahan usab ni City Fire Marshal CINSP Janeth M. Leguigan ug City Local Government Operations Officers sa DILG Danilo M. Hernandez.

Mahinumduman nga adtong Disyembre 14, 2021 misulod sa Philippine Area of Responsibility si Bagyong Odette og nagbilin kini og dakong trabahuon sama sa clearing operation mahitungod sa mga distraksyon sama sa mga kahoy o debris. Gawas sa pagpanghinlo sa lugar dala-dala usab sa grupo ang rescue equipment’s, foodpacks, tubig, ug sanina na magamit aron ipang apod-apod sa mga na biktima sa Bagyo.

Sa gustong mo donate mamahimong mo contact sa numerong 09913631096 o mo bisita sa City Information Office nga nahimutang sa sa 2nd floor, New City Hall Barangay JP Laurel Panabo City.

| Gene A. – CIO/PIRO
📸 – BFP Panabo