Disyembre 13,2021 — Wala gipakyas sa lokal nga panggamhanan ang katawhan sa siyudad sa Panabo sa gipahitabong Pasiga sa Panabo 2021 nga opsiyal kining gi-abrihan ni City Mayor Jose E. Relampagos sa Panabo City Hall Grounds, Barangay JP Laurel, Panabo City.

Tataw sa mga panagway sa mga panaboans ang kalipay ug madungog ang hiyawan sa tanan. Ang fireworks display nga ginahulat sa kadaghanan naghatag og mas “bongga” nga pagselebrar sa Paskuhan sa Panabo.

Isip amahan sa siyudad sa Panabo, si City Mayor Jose E. Relampagos nagpabilin og mensahe sa tanan. Ingon pa niya, “Isip amahan aning Panabo City, likayan nato ang makadaot sa atoa. Sa sobra isa ka tuig ug tunga, dugay kita nakagawas ug nakahigayon og ingani. Busa, maglipay kita.”

Alang sa mga wala nakasaksi ug gusto motan-aw usab sa Paskohan sa Panabo 2021, mamahimong bisitahon ang City Government Facebook Page o i-click ang link https://www.facebook.com/panabocityofficial/videos/959456331652805

| Tim Acebedo, CIO-PIRO
📸 | F. Paculanang, E. Pan, A. Castilla, & R. Cayas, CIO-MULTIMEDIA