Gipahitabo ang blessing ceremony sa bag-ong gihimo nga Payao o fish aggregating device. Usa ka livelihood project alang sa mga mangingisda nga gimugna sa Lokal nga Panggamhanan pinaagi sa Fisheries Development Section (FDS) sa buhatan sa City Agriculture (CAGRO) adtong Septiyembre 8, 2022 sa City Fisheries and Aquatic Resources Management Council (CFARMC), Barangay San Pedro, Panabo City.

Ang Payao usa ka fish shelter kung asa ang mga isda makasilong ug mas mapadaghan pa sila. Kini ang unang Payao nga gimugna ug aduna pay plano sa pagbuhat og dugang tulo (3) ka Payao sa Panabo City.

Sa maong higayon, dako kining tabang sa mga katawhan ilabi na sa mga mangingisda nga mas ubay-ubay pa nga isda ang ilang makuha alang sa ilang panginabuhian apil na sa ilang pagkaon sa matag adlaw.

Anaa si Parish Priest Fr. Jeremy Tanong sa St. Joseph Worker Parish Gamao sa pagblessing niini.

Atangi ang dugang detalye niini sa Frontline News sa Panabo City Information Office, Facebook Page.

🖋️ IDOB – PIRU / CIO Panabo
📸 Rommel Cayas – Multimedia / CIO Panabo