Mayo 17, 2021 – Gipahigayon sa Barangay San Vicente ang Annual Blood Letting Program sa City Health Office kauban si CHO Medical Officer Dr. Monica Dianne Jualo.

Ang kalihokan makatabang sa pagdugang og pundong dugo sa Davao Regional Medical Center (DRMC) aron magamit kini sa mga pasyente nga nanginahanglan.

Ang pamilyang Cacnio wala gipalampas ang oportunidad nga makatabang sa nanginahanglan og dugo. “Naga donate mi kay dako kini og tabang sa nanginahanglan niini ug maka ayo pud ni sa amoang health. Kauban akong wife ug anak, permanente nang naga donate,” matod pa ni Moises Cacnio, 59 anyos, nga taga Barangay San Vicente.

Ang aktibidades nakaschedule sa sulod sa usa ka tuig ngadto sa 40 ka mga barangay sa siyudad sa Panabo. Gina-awhag ang gustong mo donate nga magpalista sa mga barangay health centers.

| Gen Alforque – CIO
📸| Aljun Castilla