Gibida sa 18 ka mga opisina sa lokal ug nasyunal nga ahensiya sa gobyerno ang ilahang serbisyo atol sa gipahitabong LAMDAG Government Exhibit of Services adtong Agosto 24-27, 2022 sa Food Court Area, Gaisano Grand Mall of Panabo, subay sa selebrasyon sa Press Freedom 2022 nga adunay temang, “Journalism Under Digital Siege”. Gipasundayag sa mga opisina ang ilahang programa ug mga adbokasiya pinaagi sa interaktibo nga pamaagi diin lain-laing aktibidades ang gitanyag sa buot mobisita sa LAMDAG.

Nasungkit sa Bureau of Fire Protection Panabo ang kadaogan isip First place, Public Employment and Services Office (PESO) sa 2nd place, Department of Education Panabo (DepEd) sa 3rd place, City Environment and Natural Resources Office (CENRO) sa 4th place, ug City Disaster Risk Reduction Management Office (CDRRMO) sa 5th place.

Gawas sa Top 5, anaa ang mga opisina sa City Mayor, City Administrator, Tourism Promotions, City Health, City Agriculture, Gender and Development, DA-Agricultural Training Institute XI, Department of Agrarian Reform, ug Department of Education. Anaa usab ang partisipasyon sa Coast Guard of the Philippines, City Social Welfare and Development Office, Philippine National Police, Bureau of Jail Management and Penology, ug Pag-Ibig Fund.

Atol sa kalihokan, nagpahitabo og 3-day judging diin tulo (3) ka mga hurado ang naghatag og puntos sa maong panag-indigay. Ang mga hurado mao sila Provincial Information Officer Dr. Mervin Jay Z. Suaybaguio, Gaisano Grand Mall of Panabo Operations Manager Analyn L. Abapo, ug BACOMM Chairperson Ivan N. Gallegos.

Ang LAMDAG gikan sa pulong na “Nalamdagan” nga nagapasabot og kahayag sa mga butang dili masabtan o dili makit-an. Gikan sa kahulugan sa LAMDAG, nahimong mas nasabtan ang mga serbisyo o “basic services” sa gobyerno alang sa katawhan pinaagi sa pagsaksi sa pagkamamugnaon sa mga buhatan, pagkahiusa sa usa ka lugar, ug paghatag og mga information materials.

Sa ulahing bahin, gigawaran usab og pasidungog ang uban pang opisina na mipartisipar sa maong kalihokan. Gi-anunsyo ang mga midaog adtong Agosto 30, 2022 sa Panabo Multipurpose, Tourism, Cultural and Sports Center.

lM. Lagura
Photos: R. Cayas/E. Pan