Agosto 17, 2022 — Ang Lokal nga Panggamhanan sa Panabo pinaagi sa City Social Welfare and Development Office nagsaulog sa Family Fun Day alang sa 212 ka mga registered Persons With Disability (PWD) nga miyembro sa Cagangohan Association of Differently-Abled Persons (CADAP) kauban ang Barangay Cagangohan Council. Gipahitabo ang kalihokan sa Barangay Cagangohan Gym. Ang mga miyembro sa CAGAP nagpakita sa ilang nagkadaiyang talento sama sa pagkanta, pag gitara, pagsayaw sa ilado nga tiktok dance, ug aduna usab silay padula nga naghatag og dugang lingaw.

Anaa si PCVA Treasurer J.S Johnarey Rosapa nga usa ka amahan sa down syndrome baby. Matod pa niya nga, “Aduna kami mga pagpangandam alang sa among anak na si baby Maya grabe among paningkamot aron mahatagan namo siya sa iyang mga needs, ang pagkuha sa life insurance usa sa among gitinguha.”

Nagpasalamat si Barangay Captain Hon. Usmundo Boyang Micabani nga naghatag og dakong pagtahod kay Mayor Relampagos sa suporta nga nahatag sa mga membro nga nagmalamposon ang pagsaulog niini. Sa maong kalihokan, gihatod ni City Mayor Jose E. Relampagos iyang suporta apil sa paghatag og libreng Arrozcaldo.

Anaa usab sa kalihokan sila Vice Mayor Hon. Gregorio Banjong Dujali, CSWDO Department Head Chareina Joy G. Lacuin, Michael Jayson nga representante ni Board Member Hon. Popop Catalan, mga representante sa Council and Board members, PWD staff sa CSWDO Mariel Alejado, Disability Affairs Officer 1 Myla Villa M. Aquino, CAGAP President Rolan Laceras ug mga PWD presidents sa nagkadaiyang barangay sa syudad sa Panabo.

🖋 Dolly Amag, CIO-PIRO
📸Rommel Cayas, CIO-Multimedia