Gipahitabo ang Community Based Monitoring System Orientation and Briefing adtong Agosto 15, 2022 kung diin gitambongan kini sa mga department heads sa LGU Panabo. Nanguna sa kalihokan si Acting City Planning and Development Office Department Head Engr. Felix Jonases P. Senajon kauban ang suporta ni PSA DavNor Statistical Specialist Pepito D. Amoyen ug DILG Local Government Operations Officer Catherine Pugosa aron paga hisgutan ang National Rollout sa CBMS karong tuiga base sa RA 11315 o An Act Establishing A Community-Based Monitoring System.

Ang maong balaod napirmahan ni Former President Rodrigo Duterte adtong April 17, 2019 aron makamugna og updated nga mga datos nga gikinahanglan sa pag-ila og mga target nga mga benepisyaryo alang sa mga nag unang serbisyo sa gobyerno. Magpahigayon usab kini og mas komprehensibo nga pagtuki sa kakabos ug panginahanglan sa katawhan, pag-establisar og data collection, data sharing, ug information management system nga morespeto sa tawhanong katungod sa pribasiya, pagsiguro sa kalidad sa datos, ug pagsuporta sa data protection principles sa lehitimong katuyoan, transparency, ug proportionality.

Sa mga musunod na bulan, laoman na pagasugdan na sa Lokal nga Panggamhanan sa Panabo ang CBMS.

📝 – Gen Alforque, CIO – PIRO
📸 – Rommel Cayas, CIO- Multimedia