Nagpahinumdom ang Department of Social Welfare and Development-Panabo City Convergence sa mga 4Ps beneficiaries nga ang cash grants kanila gamiton lamang sa pagpaskwela sa bata lakip man ang pagsustena sa ilang kalawasan. Atol sa pandemiya sa COVID-19, kinahanglan nga tukma ang paggamit sa cash grants ug pagkahimong mas produktibo ang mga benepisyaryo niini.

Gipahimangnoan sad sila nga dili isugal ang cash grants sama sa bingo, tong-its, mahjong, online nga sugal, pagtaya sa lotto, ug uban pa. Dili sad dapat kini gamiton pagbisyo sa alcohol ug sigarilyo.

Mga dugang kaalam ug tubag mapahibalo sa DSWD-Panabo Convergence staff karong Setyembre 25,2020 sa Ang Panabo Karon Radio 91.1 FM, 8:00 hantod 9:30. sa buntag. Anaa sad si PESO Manager Cherelle B.Espinosa alang sa mga employment opportunities ug programa na pwede mahatag sa mga 4Ps beneficiaries.

| cio