Gisugdan na’g harvest kaniadtong Setyembre 16,2020 ang mga Organic High Value Vegetables nga gitanom sa 40 ka miyembro sa P2 Small Farmers Association (PSFA) sa Barangay Sta. Cruz. Adunay gitanyag nga mga organic nga mga gulay susama sa Cauliflower, brocolli, petchay, letus, chinese kale, talong, pipino, ampalaya, kalabasa ug uban pa.

Ingon pa ni Alecia Jongson, 59 anyos nga farmer ug lumulupyo sa Purok 2, Barangay Sta Cruz, “Dili gyud diay maayo nga magtanom ta nga adunay kemikal kay hilabing makadaot sa atuang kinaiyahan og kalàwasan . Dako kaayo ni og tabang ang demo farm sa among pamlya ug hilabi na sa mga mopalit kay garantiya gayod nga organic ang pamaagi sa among pagtànum diri.”

Naghatag sad si City Mayor Jose E. Relampagos og 40,000 isip pahalipay sa mga myembro sa P2 Small Farmers Associations isip bugti sa mga paningkamot sa gropo ug naghatag pod sya og power sprayer aron mosuporta sa patubig sa communal garden sa asosasyon. Dungag niini ang tag lima ka kilo nga bugas alang sa mga 40 ka miyembro sa asosasyon.

Ang maong pagpananom gisugdan niadtong Mayo 27,2020 pinaagi sa pakig-alayon sa P2 Small Farmer Association President nga si Emily Egagamao ngadto sa Crops section head /project focal nga si Mr Reynaldo M.Agorde ug gisuportahan kini sa atong City Agriculturist Samuel N.Anay aron mamugna ang Organic High-Valued Vegetables Production Demonstration Farm nga usa sa city mitigation support batok sa impact sa COVID-19.

Alang sa mga mo palit, mamahimong mokontak kay Emily Egagamao sa numerong 09504383937 o mobisita sa City Agriculture Office, 2nd Floor, New City Hall of Panabo.

| Mel Hilario CIO-PIRO
📸 CAGRO