Nakatapos na ang 45 ka mga Voluntarily Submitted for Reform (VSR) beneficiaries sa Panabo City adtong Agosto 12, 2022 na gipahigayon barangay hall sa Sto. Niño. Girepresenta mismo ni CADAC Action Officer Roqueos L. Cimafranca ang 26 nga VSR gikan sa Sto. Niño ug 19 ka VSR sa Southern Davao.

Sila nagmalampuson sa usa (1) ka bulan nga programa sa Katatagan Kontra Droga sa Komunidad (KKDK) nga usa ka rehabilitation intervention alang sa mga gikan nga nagagamit og droga.

Mipaabot og mensahe si IO II Nick Manlanot, PDEA Team Leader sa syudad sa Panabo, alang sa mga ming gradwar. Ingon pa niya, “Unta kamo nga naa diri karon, seryoso na mo sa pagbag-o. Kini usa kahigayon nga dili malimtam sa tibuok ninyong kinabuhi.”

Si Reynaldo Remedios, minyo ug adunay tulo (3) ka anak usa sa migradwar miingon, “Akong gipanaad sa Ginoo, sa akong pamilya ug sa tanan tawo sa kalibutan na dili og dili na gayud ako mubalik sa pag gamit sa ginadiling droga alang sa akong pamilya.”

Mitambong usab sila Brgy. Kapitan Hon. Jose S. Resurreccion sa Southern Davao, Brgy. Kapitan Hon. Rosalio M. Gotera sa Sto. Nino. Anaa usab si Lt. Manuel Aspellaga Jr. isip representante ni Chief of Police PMAJ Adelon M. Caacbay.

🖋 Dolly Amag, CIO-PIRO
📸Aljun Castilla, CIO-Multimedia