Alertong gi-aksyonan sa Solid Waste Management Team (SWM) sa buhatan sa City Environment and Natural Resources (CENRO) ang pagpahitabo og garbage collection vehicle monitoring ug checkpoint adtong Hulyo 14,2021. Sigun kini sa mga mulo sa katawhan sa nahitabong pagkatag o pagkalat sa mga basura sa kadalanan nga dala sa mga garbage collector vehicle sa mga barangay padulong sa dumping site.

Ang maong kalihokan usa ka estratihiya sa Lokal nga Panggamhanan na malikayan ang pagkatag sa mga basura sa kalsada.

Matod pa sa CENRO-SWM monitoring team, pipila ka mga truck ang nakit-an nga walay tabon nga net o trapal sa ilang karga nga basura ug maoy hinungdan sa pagkatag niini. Wala nagmakuli ang mga CENRO Enforcers sa pag isyu og penalty sa maong mga barangay garbage crew.

Gina-awhag ang matag barangay sa ilang garbage collection vehicle nga butangan kini og tabon o net aron sa paglikay sa pagkalat o pagpanglupad sa mga basura.

|IDOB
📸|SMW-CENRO