Hulyo 14, 2021 – Tulo (3) ka inspection team sa Safety Seal Certification Committee ang ni bisita sa mga establsyamento sa siyudad aron mahibaloan kung pasado ba sila sa Safety Seal Certification nga gipatuman base sa IATF Resolution No. 87, series of 2020. Ginasiguro sa mga inspection team nga nasunod sa mga establisyamento ang minimum public health protocol ug ubang mga polisiya sa DOH, DOLE, DTI, DILG, ug Department of Tourism.

Naghatag usab ang mga inspection team og mga rekomendasyon sa mga establesyamento aron ma tama ilang mga kakulangan sa pagsunod sa polisiya. Kinahanglan nilang matuman tanan nga naa sa Safety Seal checklist human sa duha (2) ka adlaw.

“Okay siya kay mas na aware mi nga ingon diay ang dapat buhaton aron ma monitor namo amoang safety ug sa customer pud,” matod pa ni Myline Dorlones, Staff sa Pizza Treat Panabo.

Ang mga tag-iya o operator sa mga establisyamento pwede mag-apply og Safety Seal Certificate pinaagi sa paghatag og intent letter ngadto sa Business Permits and Licensing Section (BPLS) kauban ang filled-out nga Safety Seal Checklist nga madownload gikan sa www.panabocity.gov/safecity/

|Gene Alforque – CIO
📸 | Aljun Castilla