Gisugdan na sa City Environment and Natural Resources Office (CENRO) pinaagi sa Solid Waste Management Enforcement Unit sa pag-inspeksyon sa mga kanal ug basura sa Barangay San Pedro ug Barangay Cagangohan adtong Mayo 10, 2021 kauban ang mga purok leaders.

Sigun kini sa mga mulo sa matag barangay na naadtoan pinaagi sa Consultative Meeting na gipasiugda ni City Mayor Jose E.Relampagos pinaagi ni Executive Assistant III Jo-Anne R.Capuyan adtong miaging mga semana.

Isa kini sa nahitabong tugon sa LGU Panabo aron matabangan ug mahatagan og solusyon ang problema sa matag barangay ilabina ang problema sa mga miyembro na wala naga sunod sa balaod kalambigitan sa pagdumala sa basura.

Ang maong aktibidades inisyatibo sa City Mayor’s Office kauban ang Engineering Office, CENRO, Banwag, ug PNP.

Anaa usab ang mga Barangay Opisyal ug mga Purok Leader sa pagsupporta sa maong kalihokan.

|Ivory Dawn Balogbog, CIO-PIRO
📸| CENRO-Panabo