June 2, 2022 – Nadawat na ni Cleofe C. Villanueva, 100 anyos, nga taga Purok 20, Barangay San Vicente isip ika-napulo nga Centenarian Awardee sa Panabo City pinaagi sa iyang asawa nga si Iluminada Mateo Villanueva ang P30,000 gikan sa Lokal nga Panggamhanan.

Gipaabot sa pamilyang Villanueva ilabi na sa iyang asawa na si Iluminada ang pagpasalamat sa Lokal nga Panggamhanan sa incentives nga nadawat. Nagselebrar si Cleofe sa iyang ika-100 anyos adtong April 9 samtang kini mipanaw adtong April 18,2022.

Ang award gigawad ni City Mayor Jose E. Relampagos pinaagi kay Executive Secretary Josie Mary G. Relampagos ug Board Member Elect Hon. Flopone Royle Catalan nga author usab sa Centenarian Ordinance sa Panabo.

Ang Centenarian Awardee subay sa Republic Act 10868 o Centenarians Act of 2016 nga naga garantiya sa mag senior citizens nga ni abot og pangidaron nga 100 ang makadawat og cash incentive nga P30,000 sa Lokal nga Panggamhanan ug P100,000 gikan sa Department Of Social Welfare and Development Office (DSWDO).

Alang sa mga pangutana sa pag-avail isip centanarian, mamahimong mobisita sa opisina sa Senior Citizen Affairs (OSCA) na nahimutang sa gilid sa Barangay Hall of New Pandan, Panabo City. Mamahimong magdala lang og birth certificate or marriage contract alang sa pagpamatoud nga mi-edad na kini og 100 anyos.

🖊 Lope Tampos
📸 Quinn Villahermosa, CIO – Multimedia