Hunyo 2, 2022 – Mibisita ang buhatan sa Department of Trade and Industry pinaagi sa Negosyo Center Panabo sa Barangay Little Panay aron itunol sa mga benepisyaryo ang business livelihood kits ubos sa programang Livelihood Seeding Program-Pangkabuhayan sa Pagbangon at Ginhawa (LSP-PPG).
Adunay 27 ka residente ang mga nakadawat sa maong livelihood kits nga mikantidad og 10, 000 pesos kada usa. Ang maong mga negosyante apil sa Micro, Small and Medium Enterprises (MSMEs) ubos sa Retail o Service business activity.
Unom (6) ka mga benepisyaryo ang nakadawat sa Sari-sari store business kit, lima (5) sa Rice and Egg Retailing, lima (5) sa Refreshment business, unom (6) sa Eatery, upat (4) sa Poultry and Feeds business, ug isa (1) sa Agrivet.
Mapasalamaton ang mga nakadawat na residente sa maong barangay tungod kay dugang kining kapital sa ilahang matag negosyo nga makapadayon sa ilang tagsa-tagsang panginabuhian.
