September 22, 2022 — Gipakita ni CGADH Engr. Randel B. Panangayan ang mismong Asphalt Plant nga nahimutang sa Motorpool, Barangay Datu Abdul, Panabo City sa mga taga LGU Samal, Engineering Department nga gipanguluhan ni Engr. III Eric C. Palacio.

Gihatagan og kahigayonan ang mga personahe sa LGU Samal nga makasinati og unsaon pag operate sa maong makinarya diin gidala usab ang grupo sa aktuwal na pagbuhos sa aspalto sa Purok 4, Barangay Salvacion kung diin na saksihan nila ang mga angay na suoton sa mga taong mag aspalto sa dalan ug unsa ang mga materyales niini nga gamiton.

Sumala pa ni Engr. Eric Panangayan nga buot nilang maghimo og sumbanan ug mga polisiya sa paghimo og Asphalt Plant ug dakong tabang ang ilang pagbisita sa LGU Panabo kay aduna silay daghang bag-ong ideya nga nakutlo ug nakuha sa ilang pagbisita. “Mapasalamaton gayod kami ka City Mayor Jose E. Relampagos kung diin wala gayud kami niya balibari sa among tinguha nga mabisita ang Asphalt Plant sa Panabo,” dugang pa ni Engr. Panangayan.

Nagpasalamat usab si City Administrator Pedrito A. Misoles sa tanang personahe sa LGU Samal. Ingon pa niya, “Thank you for coming here and we will try our best to give you some idea and in a way we can give support and we hope you can have fruitful experience today.”

Mahinumduman nga miaging tuig nakigpulong usab sila sa Bid and Awards Committee alang sa tinguha nga makahibalo sa mga proseso ug budget sa pag-acquire sa maong asphalt plant.

✍️Dolly Amag, CIO-PIRU
📸Ajun Castilla, CIO-Multimedia