Agusto 27,2020 – Gipahitabo sa Fishport Baywalk Cagangohan, Panabo City ang Ceremonial Turn Over sa fishing gears ug ang pagblessing sa duha (2) ka motorized pump boat alang sa asosayon sa mga mananagat. Ang maong pagpanghatag inisyatibo sa Bureau of Fisheries and Aquatic Resources XI sa pangulo ni OIC Regional Director, BFAR- XI Alfeo G.Piloton, MM.

Nakadawat sa gillnet si Dominic Diame, Wilson Gallardo, Tony Aranquez, Romy Verallo, Ricardo Colinares, Datu Baman Petronila, Simplicio Pescadero, Panabo Sports Fishing Reel Workers Association, Fishermen and Farmers Association, ug ang Doulos Multi Sectoral Association of Mindanao.

Nakadawat usab og palangre na pang long line fishing si Reymund Yu, Abel Aumentado, Arman Buslon, Rodolfo Liquigan, Rechie Olita , Fishermen and Farmers Association, ug ang Doulos Multi Sectoral Association of Mindanao.

Naghatag usab ug duha ka motorized pump boat sa duha ka assosasyon diin nakadawat niini og isa ka pump boat ang Bantay Dagat Association ug isa usab ka pump boat sa Gugmasan Fishing Folk Association pinaagi sa ilang Presidente na si Jesusimo E. Rebagos.

“Dako akong pagpasalamat kay isa ang among assosasyon sa natagaan sa maong pump boat ug hilabing makatabang kinig dako sa among pagpangisda ug pagresponde sa mga mananagat,” ingon ni Rebagos.

Dako usab ang pagpasalamat sa usa ka mananagat nga lumulupyo sa Purok Macupa, Barangay Cangangohan na si Wilson Gallardo. Butyag niya nga, “Makatabang kinig dako sa akong pagpanagat, masmapadali akong pagpanakop ug makadungag kini sakong kita”.

Ang maong pagpahigayon gisalmotan ni City Administrator Pedrito Misoles isip representante ni City Mayor Jose E. Relampagos, officiating priest Fr. Rieche Badiang, Acting City Agriculturist Samuel Anay, mga personahe sa BFAR XI Davao Del Norte, ug mga personahe sa Provincial Agriculture’s Office, Davao Del Norte.

| Mel Hilario, CIO