READ | Panabo City duha na ka tuig (2017-2018) nga gipanganlan nga Child-Friendly City (Regional Winner) sa Presidential Award for Child-Friendly Municipalities and Cities
Ang Presidential Award for Child-Friendly Municipalities and Cities (PACFMC) usa ka tuig nga buluhaton sa Council for the Welfare of Children (CWC) sumala sa Executive Order No. 184 nag-ulohang “Establishing the Presidential Award for the Child-Friendly Municipalities and Cities” gipagula tung Disyembre 13, 1999.
Gipangunahan kini sa Department of Social Welfare and Development (DWSD) ug Council for the Welfare of Children (CWC) aron pagailhon ang mga LGUs alang sa pag-ila sa ilang mahinungdanong papel sa pagpasiugda sa mga katungod sa kabataan nga pagkabuhi, pagpadako, pagpanalipod, ug pagsalmot ingon man pagsiguro sa child-friendly nga pagdumala.
Kini usa ka pasalig nga ang administrasyon mohimo sa tanan aron mapanalipdan ang mga batang Filipino. Kabahin niini ang sukdanan sa gobyerno aron mahatagan og pag-ila sa LGUs sa pagpalambo sa kaayuhan ug katungod sa mga bata.
Giganti ang Plaque of Recognition sa Malacanan Palace miaging Disyembre 5, 2018.
