Hunyo 29, 2022 — Gilunsad ang kauna-unahang Chocolate Processing Facility sa Rehoboth Agriculture Cooperative (RACO) sa siyudad sa Panabo. Usa kini ka enterprise subproject nga mokantidad og P20 Million gikan sa Philippine Rural Development Project (PRDP) pinaagi sa Provincial Government of Davao Del Norte.

Ang RACO, nga nahimutang sa Barangay San Francisco, Arguelles St., Panabo City, usa ka garbo sa siyudad sa Panabo tungod sa ilang produkto nga dark chocolate nga hinimo gikan sa cacao nga nakuha mismo sa mga cacao farms sa siyudad sa Panabo. Ang maong proyekto usab makatabang sa mga cacao farmers nga ma proseso ang ilang mga tanom ug mas palapdon pa ang ilang mga produkto nga tsokolate.

Ang tsokolate nga 100% binuhat gikan sa tableya anaa sa 150 grams sa kantidad og P150.00/box. Maghatag usab sila og discount kung bulto ang paliton sa buyer.

Matod pa ni Rehoboth owner, Lolita Pinoon, “We are supporting the industry of cacao in Panabo City ug naga plano kami nga maabot kini sa (United States) diin aduna na kami consultant kabahin niana.”

Alang sa mga gustong mopalit sa ilang produkto, mamahimong mobisita sa RACO Chocolate Facility o mutawag sa numerong 099-1202-6852 ug pangitaa si Lolita Pinoon.

Sa turn over ceremony, anaa sila PSO Mindanao Project Director Abel James Monteagudo, Provincial Administrator Engr. Josie Jean Rabanoz isip representante ni Governor Edwin I. Jubahib, City Councilor Hon. Omar Ranain, LGU
Panabo – City Information Officer Michael Angelo A. Resueño, DA-PRDP Project Director Noel Provido, DOLE Provincial Head Angelina Talingting, Public Employment Service Office (PESO) Manager Cherelle B. Espinosa, Former Kapitan Allan Sarabia, apil na ang uban pang department heads sa PGO – Davao del Norte ug partnering companies.

|Christian Sire Trinidad, CIO-SPES
📸: Lindsay Cañete, CIO-SPES