Hunyo 4, 2022 — Migradwar na ang 124 ka mga JobStart Trainees human sa napulo (10) ka adlaw niining pagbansay nga nagsugod adtong June 20,2022. Mi-agi ang mga estudyante sa Life Skill Training (LST), Technical Training, ug ang Internship.
Gitambongan sa pito (7) ka partner companies ang seremonyas. Mao sila ang representante gikan sa DOLE, Local Government Unit (LGU) pinaagi sa Public Employment Service Office (PESO), Gaisano Grand Mall of Panabo, First Panabo Tropical Foods Corporation, McDonald’s Panabo, Macondray Plastics Products Incorporated, ug Taytay sa kauswagan Incorporated.
Ania ang mga angay hinumduman aron mahimong kwalipikadong JobStarter:
1) At least nakaabot og high school level
2) 0-12 months nga experience sa pagpanarbaho
3) Walay trabaho ug wala mag-eskwela
Ang seremonyas gipahitabo sa Panabo Multi-Purpose Tourism Cultural and Sports Center nga gitambongan nila City Administrator Pedrito A. Misoles, PESO Manager Cherelle B. Espinosa, MBA, Employment Focal Dole XI Marlito D. Ayala, ug Provincial Director Dole XI – DNFO Angelina A. Talingting, CPA.
Ang Jobstart Philippines Program sa Panabo City nagsugod adtong 2018 ug sa kasamtangan gapadayon gihapon sa paghatod og mga trainings alang sa mga panaboans.
Alang sa pag-avail ug dugang detalye sa programa, mamahimong mobisita sa PESO nga nahimutang sa Parks and Plaza, Barangay New Pandan, Panabo City.
|Christian Sire Trinidad, CIO-SPES
SMC| Rommel Cayas, CIO-MULTIMEDIA
