Disyembre 11,2021 — Init na panagbangi dala kalingaw ang nahitabo sa Basketball Tournament – 3 Points Shooting nga gipahitabo sa Panabo Gym. Gikan sa 56 ka mga manulaay nahimo nalang kining upat (4) alang sa pagpadayon sa final round.

Tanan nakigbakbakan alang sa unang pwesto apan nasungkit ni Bernardino Amper nga taga Barangay San Pedro ang kampyonato human niya gilampaso ang iyang mga kalaban sa puntos nga dyes gawas sa kinse (10/15) na pagshoot sa bola nga walay limit sa oras. Sa katibuk-an adunay 30 ka puntos si Amper nga hinungdan sa iyang pagdaog. Samtang nakuha ni JD Palero ang ikaduhang pwesto, ikatulong pwesto si Rod Catalan, ug King Maynard Castro sa ika-upat na pwesto.

Ang maong padula subay sa gipahigayong Paskuhan Sports Tournament Year 3 ni City Mayor Jose E. Relampagos pinaagi sa City Sports Development Section.

Atangi ang ubang detalye sa mga dula sa Basketball Tournament nga Dribbling ug Slam Dunk ugmang adlawa, live kining makita sa City Government of Panabo, Facebook Page.

|Ivory Dawn O. Balogbog, CIO-PIRO