Gamit ang tamang pagbarog, kusog, ug konsentrasyon, wala nagpaulahi sa pagpakita sa ilang mga kahanas ang mga manunula sa Archery Recurve Tournament sa Panabo City Firing Range sa adlawng Disyembre 12, 2021.

Adunay walo ka mga partisipante ang nagkombate sa panag-indigay nga gitunga sa tulo (3) ka set: 1st set, 2nd set, ug Accumulated. 60 metro ang distansya alang sa mga partisipante na gikan sa shooting area.

Ania ang mga midaog sa matag kategorya:

(Male Category)
1st set
Gold – Ryan Dave Pecolados
Silver – King Aldrich Derecho
Bronze – Bejay Namocot

2nd set
Gold – King Aldrich Derecho
Silver – Ryan Dave Pecolados
Bronze – Bejay Namocot

Matod ni Panabo Archery Club Coach Marvin Salahid, adunay kursunada sa pagtuon ang importaneng makita sa usa ka manunula. “Useless kung ang usa ka (manunula) walay kaandam ani nga sports, kinahanglan gyud mag gahin siya og time nga makapalambo sa iyang talento,” dugang pa niya.

Ang maong padula subay sa gipahitabong Paskuhan Sports Tournament Year 3 ni City Mayor Jose E. Relampagos pinaagi sa City Sports Development.

l M. Lagura
Photos: Rommel Cayas/Emman Pan