Agosto 30, 2022 – Gitunol kay Executive Assistant III Jo-Anne G. Relampagos-Capuyan, isip representante ni City Mayor Jose E. Relampagos, ang 2022 National Kabalikat Award gikan sa Technical Education and Skills Development Authority (TESDA) sa gipahitabong ika-28 na TESDA Founding Anniversary sa TESDA Complex, SLEX, Fort Bonifacio, Taguig City. Ang gawad ginahatag sa mga ahensiya sa gobyerno nga adunay kalampusan sa pagpahamtang og Technical Vocational Education and Training (TVET) sa nasod. Sa Rehiyon XI, ang Panabo City lamang ang nakakuha sa 2022 National Kabalikat Award ug una kini nakuha sa siyudad adtong tuig 2018.

Ang Panabo City nanguna sa paghimo og ordinansa nga nakatabang sa pagpatukod og Panabo City Skills Training and Assessment Center nga nahimutang sa City Motorpool Compound, Barangay Datu Abdul Dadia. Sa tulo (3) ka tuig, adunay kapin 3,600 ka mga benepisyaryo sa 17 qualifications ug 16 ka livelihood skills trainings nga gitanyag.

Matod pa ni TESDA Director General Atty. Danilo P. Cruz sa iyahang mensahe, nga masaligan karon sa mga “mahihirap” ug sa mga “kabataan na hindi nakatapos ng pag-aaral” ang TESDA sa ilawom sa administrasyon ni President Ferdinand R. Marcos, Jr. Dako usab og kahimoan ang TESDA sa pagpahamtang og mga skills trainings sa panahon sa pandemiya human nga na apektohan ang panginabuhi sa katawhan.

Ang 2022 Kabalikat Awards gilangkuban ni DDG Aniceto D. Bertiz III isip Chairperson, Ed Sonia S. Lipio isip Vice-Chairperson, Director Ma. Magdalena P. Butad, Director Glenn N. Murphy, AED Janet M. Abasolo, Katherine Amor A. Zarsadias.

Kauban ni Capuyan si Panabo City PESO Manager Cherelle B. Espinosa, City Human Resource Management Officer Jan Mari G. Cafe, ug City Information Officer Michael Angelo A. Resueño.

| CIO