Atol sa selebrasyon sa Tubercolosis (TB) Day adtong Agosto 19, 2022 nagpahigayon ang Department of Health (DOH) sa pakig-alayon sa Provincial Health Office ug City Health Office og Active Case Finding aron masuta nila kung aduna pay kaso sa Tubercolosis ang matag Barangay sa siyudad pinaagi sa libreng chest X-ray examination human niini og aduna silay makita na kakulian sa resulta libre usab ang spetum test na diha diha dayon ipahigayon.

Gipangusgan ang programa aron mapugngan ang sakit na TB nga usa ka bacterial infection nga mo daot sa baga sa usa ka tao. Bisan pa man aduna kini tambal usa kini sa nag unang sakit nga adunay dako nga mortality rate sa nasud.

Sumala pa ni Mary Divine Grace Hofelinia, TB Nurse Coordinator sa City Health Office nga iyang gina awhag ang mga katawhan nga magpa konsulta sa maong programa. ” It doesnt mean nga wala tay sintomas na gi bati healthy nata, the only way para mahibal-an nato na aduna natay gi bati magpa konsulta gyud.” dungag pa niya.

Mo balik og bisita ang team sa Barangay San Vicente ug San Pedro sa unang semana sa Setyembre. Ugma, Agosto 24, 2022 sa Barangay New Visayas ug Datu Abdul.

| Gen Alforque – CIO, PIRO
📸 – Aljun Castilla