Nagmadaugon ang Pag-asa Youth Association of the Philippines-Panabo Chapter (PYAP) tungod sa pagsungkit nila sa Overall Champion sa Annual PYAP Provincial Socio-Cultural Competition nga adunay temang: “PYAP Ika-47 na Taon ng Paglalakbay: Tamang Kaisipan, Tamang Pag-uugali. Tamang Desiyon, Tagumpay nga Kabataan”, adtong Septyembre 24, 2021.

Gihatagan og katumanan sa PYAP na mapaabot ilang suporta sa mga kabataan bisan anaa sa pandemiya. Ang kalihokan gimugna aron mapasigarbo sa mga kabataan ang nagkandaiyang talento sulod sa mga aktibidades sama sa: Modern Dance, Poster Making Contest, Creative Mask Artwork, Spoken Poetry, Vegetable Garden, Vocal Solo, ug Song Writing.

Sa Poster Making Contest, kampyon ang 20 anyos nga taga Barangay New Visayas nga si Jericho Refuela. Isip PYAP President sa New Visayas, mapasalamot si Refuela nga bisan adunay pandemya padayon gihapon na ma showcase sa kabataan ang ilang talento. Ingon pa niya, “I am honored and blessed to represent the City of Panabo ug sa dakong suporta sa LGU”.

Ingon pa ni CSWDO-PYAP Focal Person Shiela Mae Lapasa, “Malipayon kami mga PYAP youth panaboans nga mapasigarbo ang mga talento ilabi na sa mga nagkandaiyang abilidad sa mga kabataan sa siyudad sa Panabo.”

Mapasalamaton usab si Lapasa sa dakong supporta ni City Mayor Jose E. Relampagos ug ni CSWDO Department Head, Chareina Joy C. Lacuin RSW, MSSW.

Pangusgan usab sa PYAP Panabo ang pagpadayon sa pagsustina sa vegetable garden aron makatabang sa mga kabatan-onan apil na sa siyudad sa Panabo.

Ang maong kalihokan gilangkuban og 11 ka LGU sa Probinsya sa Davao del Norte.

Mao kini ang nadaogan sa PYAP Panabo:
1. MODERN DANCE – CHAMPION
2. POSTER MAKING CONTEST -CHAMPION
3. CREATIVE FACEMASK – CHAMPION
4. ARTWORK CONTEST – 1St Runner up
5. SPOKEN POETRY – 1st Runner up
6. VEGETABLE GARDEN – Consolation Prize
7. VOCAL SOLO – Consolation Prize
8. SONG WRITING – Consolation Prize

|Ivory Dawn Balogbog, CIO-PIRO