Dakong tabang sa mga “Differently-Abled Persons” o mas ila sa tawag nga Persons With Disabilites (PWD) ang pagbisita sa gobyerno kanila ug makabalo sa ilahang kahimtang.
Usa sila sa gihatagan og lig-on nga pagtagad sa Panabo City Social Welfare and Development Office (CSWDO) ug sa ilang pakig-alayon sa DavNor Provincial Social Welfare and Development Office (PSWDO).
Adtong Septyembre 23, 2021, nagpahigayon og home visitation si Disability Affairs Officer I Myla Villa M. Aquino ug Provincial PWD Focal Person Hilda Piano diin naghatag sila og 7 kilos na bugas, 1 kilo oats, 1.6 kilos na gatas, 2 ka sardinas, ug diaper nga gikan sa PSWDO.
Nagpaabot usab og pasalamat ang mga pamilya kay adunay nahatag nga mga kinahanglan sa ilang mga anak ug makatabang pud kini sa ilang pagpamuyo.
Prayoridad nga mahatagan ang mga batang kabus nga bedridden nga nag-edad og 17 anyos pababa sa mga barangay San Nicolas, Buenavista, Sta. Cruz, Gredu, ug Cagangohan.
l M. Lagura, CIO PIRO
Photos: CSWDO/Shanel Gutierrez
Categorized in Featured