Oktubre 14, 2021- Adunay gipahitabong judging sa Inter-Purok Community Greening Contest nga nahimutang sa Barangay Tibungol, Panabo City, diin upat (4) ka matag purok nga sakop sa maong barangay ang nagtigi sa kalihokan.

Gi-anunsyo ang Purok 1 isip midaog sa panag-indigay tungod kay sila ang naay pinakalimpyo nga palibot, pinaka-creative nga disenyo ug pinakanindot nga purok. Ang tanang mananaog makadawat og cash prizes.

Sumala ni Barangay Captain Hon. Fernando U. Candol sa gipahigayon nga Community Greening Contest, ang kalihokan nakahatag og panaghiusa sa iyang katawhan. “Dako og impact kini sa among barangay. Tungod kay nakaipon mi og kusog aron ma-meet ang tinguha ni Mayor Relampagos na pagpanghinlo kanunay sa lugar,” dugang niya.

Gimugna ang kalihokan sa City Mayor’s Office pinaagi sa pakig-alayon sa City Environment and Natural Resources Office (CENRO) aron maipakita sa matag purok ang kanindot sa ilang mga tugkaran ug ang kaaktibo sa mipartisipar.

Mga midaog sa kalihokan makadawat og:
P 20, 000 – 1st place / Purok 1
P 15, 000 – 2nd place / Purok 4
P 10, 000 – 3rd place / Purok 2
P 5, 000 – 4th place / Purok 3

l M. Lagura
Photos: Aljun Castilla