0ktubre 14, 2021 – Naghatag og P200,000 nga cash assistance si City Mayor Jose E. Relampagos sa Panabo City Association of Differently-Abled Persons (PCADAP) alang sa dugang capital sa ilang livelihood project. Ang cash assistance gikan mismo sa personal na pundo ni Mayor Relampagos.

Nagpasalamat usab si PCADAP President Edito Cayonda kay Mayor Relampagos sa tabang nga ilang nadawat sa association tungod nakita niya ang kalisod sa mga PWD. Ingon pa niya, “Mabalik na gyud ang among gitukod nga bugasan sa asosasyon kay na hunong kini tungod sa Pandemya. Plano usab namo nga mag palit og XEROX machine dugang sa among livelihood ug kini gaan lamang kanamo tungod sa among sitwasyon.”

Sulti pa ni Mayor Relampagos, “Dili nato sayangan ang capital na gihatag sa asosasyon kay kini makatabang sa inyoha aron aduna tay dugang nga income. Importante transparent mo permi og hinaot nako nga ma-manage ninyo og tarong.”

Gipasiguro usab ni Mayor Relampagos nga matabangan sila sa City Cooperative Development Section (CCDS) aron mahimong accredited ang kooperatiba sa mga PWD.

Anaa usab sa programa sila City Councilor Hon. Emeterio E.Blase, ABC President Hon. Conrad Theodore Matutino, Barangay Captain sa Nanyo Hon. Demetrio Maligro, Barangay Captain sa Manay Hon. Engr. Raul Mahipus, Barangay Councilor sa Salvacion Hon. Calixto Arcena, BANWAG Program Coordinator Allan Sarabia, personahe sa CCDS, ug mga miyembro sa PWD Federation.

| M. Gentiles
📷 E. Pan