Marso 23,2021 — Gipahigayon usab ang Kasalan ng Lungsod 2021 diin 31 ka paresan ang napakasal ni City Mayor Jose E. Relampagos sa Panabo City Multi-Purpose Gym. Adunay 15 ka paresan ang napakasal sa buntag og 17 usab sa hapon alang sa pagsubay sa health protocol nga gimando sa Department of Health (DOH).

Ang kalihokan usa ka programa sa Lokal nga Panggamhan sa Panabo pinaagi sa City Civil Registrar’s Office ug sa pakig-alayon sa Philippine Statistics Authority (PSA.

Nagpasalamat ang bag-ong kasal nga sila Richard Lerio ug Estephanie Cuizon tungod nakasinati sila og espesyal nga kasal human sa ilang upat ka tuig nga pag-ipon kauban sa ilang isa ka anak. “Pasalamat mi kay Mayor kay less ang among expenses and nindot kaayo ang venue,” sumala ni Cuizon.

Sumatotal, adunay 63 ka paresan ang nagpakasal sa Kasalan ng Lungod 2021 nga usa ka highlight sa pagsaulog sa 20th Araw ng Panabo 2021.

Mihatag pud og regalo ug libreng Photo frame ang City Mayor’s Office isip dugang kalipay sa selebrasyon sa mga bag-ong kasal.

|Sonny L. Calizar, CIO – PIRO
📸| Emman Pan