Marso 23,2021 — Gipasigarbo sa 18 ka mga barangay sa siyudad sa Panabo ang paghataw sa ilang mga partisipante sa gipahitabong Inter-Barangay Zumba Competition nga gi-organisa sa Council of Women. Nadeklarang kampyon sa maong kalihokan ang Barangay Dapco nga nakadawat og premyo nga P25,000 cash prize gikan sa Lokal nga Panggamhanan sa Panabo.

Gigawaran og 2nd Place ang Barangay Consolacion nga nakadawat og P15,000.00. Third Place usab ang Barangay New Visayas nga nakadawat og P10,000.00 cash, ug 4th place ang Barangay Malativas nga nakadawat og P7,000.00 cash prize, 5th place ang Barangay Datu Abdul nga nakadawat og P5,000.00, ug Barangay Gredu ang 6th Place nga nakadawat og P3,000.00. Alang sa mga wala kadaog, sila makadawat og P2,000.00 nga consolation prize.

Sa maong kalihokan, opisyal nga hurado sila City Information Officer Michael Angelo Resueño, Executive Assistant II ug Tourism Office-in-charge Allan Roy Gencianos, ug si Local Youth Development Office Coordinator Reynard Engada.

Ang Inter-Barangay Zumba Competition usa ka programa alang sa mga kababaihang miyembro sa Council og Women sa matag barangay subay sa pagsaulog og Women’s Month.

Ang performances sa matag barangay makita sa City Government of Panabo facebook page.

|Sonny L. Calizar, CIO-PIRO
📸|Aljun Castilla & Francis Paculanang