Enero 6, 2022- Naugdaw ang siyam (9) ka pwesto sa sunog sa Pantalan, Barangay San Pedro Panabo City kaganinang alas nwebe sa buntag. Matod pa sa report sa Bureau of Fire Protection nga electrical wirings sa junction box ang hinungdan sa maong sunog ug dali lang kining nikuyanap tungod usab sa init nga panahon.

Sumala pa sa report ni Fire Investigator SF01 Anthony Laurence Agustin nga nadawat nila ang report sa insidente alas dyes sa buntag og dali dayon nilang gi abanti ang lugar, lugway mga alas dyes kinse nahimo nang fire control ang pag apula sa sunog ug nahuman kini mga alas onse emedya sa susamang adlaw.

Kagoul nga gi butyag ni Nerlin Ortiz nga pipila na lamang ka gamit ang ilang nasalba mahitungod paspas ang pagkatay sa kalayo ngadto sa ilang pwesto. “Ni try pamig adto sa kwarto kay naa ang mga gamit namo didtoa, pero naa nay kalayo lisod na, ni gawas nalang me,” dungag pa ni Ortiz. Siya nanghinaot nga matabangan sila nga maka sugod og balik sa ilang panginabuhi hilabi na nga ilaha nahiaguman ang trahedya bag-ohay palang nag sugod ang tuig.

Mi tabang usab ang mga responders gikan sa Davao International Container Terminal(DICT), TADECO, ug DOLE gamit ang kaugalingong nilang fire truck, Basi sa initial nga report sa BFP anaa sa unang alarma ang sunog ug walay natala nga casualites o nasakitan sa maong insidente.

| Gene A – CIO/PIRO
📸 | Emmanuel Pan -CIO Multimedia