Enero 7, 2022 – Gipaabot na sa mga nasunugan sa Pantalan, Purok Lapu-lapu Barangay San Pedro, Panabo City ang tabang gikan sa Lokal nga Panggamhanan sa siyam (9) ka pwesto nga apektado.

Ani pa ni Lily Ann Ramirez, 47 anyos, nga naalarma nalang siya kay sa iyang pagtuo aduna lamang nag-away sa gawas apan anaa’y mi-syagit og sunog. Dugang pa niya, “Nanghangyo ko sa mga nakabalo sa among kahimtang nga matabangan mi nga makasugod kay lisod kaayo among sitwasyon karon nga walang-wala gyod mi.”

Personal usab nga miadto ang mga personahe sa City Social Welfare and Development Office (CSWDO) ug City Information Office (CIO) aron ipaabot ang tabang sa Lokal nga Panggamhanan sama sa bugas, ug canned goods. Sa katibuk-an adunay 22 foodpacks ang nahatag.

Mahinumduman nga adtong Enero 6,2021 bandang alas nwebe sa buntag, nakadawat ang Bureau of Fire Protection og report nga adunay sunog sa maong lugar ug nahibaloan nga tungod sa electrical wirings sa junction box ang hinungdan sa sunog ug dali lang kining nikuyanap tungod usab sa init nga panahon.

Alang sa mga gusto mopaabot og tabang, mao kini ang PWEDE ninyo ihatag:

☑️ RICE & FOOD SUPPLY
☑️ TUBIG
☑️ HYGIENE MATERIALS

Mamahimong i-kontak usab ang numerong 09635690805 o pangitaa si Ricky Bergantin sa CSWDO nga nahimotang sa first floor, Panabo City Hall alang sa donation concerns. Daghang salamat!

✍️ | Tim Acebedo, CIO-PIRO
📸 | Quinn Villahermosa, CIO-MULTIMEDIA