Hulyo 09,2021 — Magsugod na sa pag-implementar ang Lokal nga Panggamhanan pinaagi sa Panabo Inspection and Certification Committee (PICC) kauban ang uban pang national angencies sa pagpanghatag og COVID-19 Safety Seal Certificate alang sa tanang establishyemento sa siyudad sa Panabo. Ang Safety Seal Certification Program namugna gikan sa IATF resolution no. 87 series of 2020 diin naaprobahan ang operasyon sa siyudad ni City Mayor Jose E. Relampagos adtong Hulyo 7,2021.

Sumala ni Licensing Officer III juliet S. Nacario ang mahatagan lamang sa COVID-19 Safety Seal Certificate mao ang mga establiseyemento nga adunay kumpletong requirements sama sa business permit ug QR Code Scanning o StaySafe.ph QR Code ug kung maaprobahan sa PICC ang ilang establisyemento.

Ang establiseyemento nga adunay COVID-19 Safety Seal Certificate nagapamatuod nga sila nagasunod sa Minimum Public Health Standards o luwas ilang etabliseyemento sudlan sa mga kustomer. Aduna usab dugang 10% capacity ang etugot sa LGU Panabo alang sa business operation sa mga maaprobahang establiseyemento.

Awhag usab ni Nacario na dapat adunay kooperasyon ang mga business owners, mga empleyado ug mga kustomers sa pagsubay sa Minimum Health Standards tungod una maapektohan ang ekonomiya sa siyudad kung motaas ang kaso sa COVID-19. “Kailangan gyud ang pagtinabangay sa Local Government ug mga business owners sa pag-address aning COVID-19,” saysay niya.

Alang sa mga gusto moaplay sa COVID-19 Safety Seal Certification Program, mamamahimong e-download ang mga checklists o requirements sa panabocity.gov.ph o mobisita sa Business Permit and Licensing Section, New City Hall, Panabo City.

Madungog ang kumpletong detalye sa RaJoe Serbisyo sa City Goeverment of Panabo facebook page. https://www.facebook.com/watch/live/?v=302319734977046&ref=watch_permalink

| Sonny L. Calizar. CIO – PIRO