Hulyo 15,2020, nagpahigayon og orientation sa 16 ka identified barangay captains ug time keepers ang City Social Welfare and Development Office para sa Cash for Work Program sa ABC Hall, Panabo City. Kini gipahigayon sa lokal na panggamhanan pinaagi sa CSWDO sa pagpangulo ni CSWDO Department Head Chareina Joy G.Lacuin, RSW,MSSW.

Sa Panabo City, adunay 1,200 ka benepsyaryo sa programa. Tumong sa Cash for Work Program mao ang pag-awhag sa komyunidad nga magpartisipar sa pag-implementa sa gipiling proyekto sa komyundad nga adunay kalambigitan sa climate change adaptation ug risk reduction. Tumong usab niini na matagaan ang benepisyaryo og temporaryong panginabuhian aron makapangandam sa bisag unsang katalagman.

Nahitabo kini tungod Department of Social Welfare and Development (DSWD) pinaagi sa ilang Risk Resiliency Program thru Cash-for-Work project and activities for Climate Change Adaptation and Mitigation (RRP- CFW- CCAM). Usa kini ka short-term intervention nga maghatag og temporaryo nga pang-empleyo sa sulod sa napulo (10) ka adlaw sa mga ka kabus, vulnerable, ug disadvantaged nga indibidwal pinaagi sa pagpartisipar nila sa mga mitigating activities, rehabilitation, ug risk reduction project and acivities sa ilang komyunidad susama sa tree planting, pagtukod og communal garden, sand bagging, mangrove planting, canal declogging, culvert cleaning, ug uban pang mga aktibidades nga makatabang sa pagkunhod sa epekto sa Climate Change.

Ang benepisyaryo sa Cash For Work Program mao ang nakapalista sa National Housing Targeting System for poverty reduction (Listahanan) o naka benepisyo sa 4Ps Program nga nagpangidaron og 18 anyos pataas, mga kabus nga kursunada mo partisipar sa mga aktibidades sa CFW, PWD, women sector, senior citizen, mga drug reformists, ug solo parent.

Alang sa dungang pangutana, mamahimong magmensahe sa CSWDO Email: fo11@dswd.gov.ph o mo tawag sa tel.No: (082) 227-1964 local 427 0r 428.

Mel Hilario CIO-PIRO
Photo: CSWDO