Anaa karon sa kamot sa 8th City Council ang pagtugot sa Resolution No. 08, Series of 2019 sa City Health Board nga usabon ang City Ordinance No. 12 of 2011 “Emergency Clinic and Safe Birthing Ordinance” og himoong opisyal nga pangalan sa pasilidad ang “City Health Office – Out-Patient and Safe Birthing Facility” tungod gitugotan lamang sa Department of Health nga mahimo lang kining paanakan ug dili para sa mga kasong emerhensiya.
Sa kasamtangan, ang Out-Patient Department magserbisyo para sa mga acute medical cases o consultation gikan 8:00 sa buntag hantod 5:00 sa hapon kompara sa Emergency Clinic nga pwede 24 hours nga konsultasyon ug first aid sa mga kasong emerhensiya lakip ang pagrefer sa mga pasyente sa mga ospital.
Sa sulat ni City Mayor Jose E.Relampagos sa Sanggunian, gipahinumdom kanila nga mo agi pa ang pag-usab sa pangalan sa pasilidad sa National Historial Commission of the Philippines pinaagi sa Sanggunian atol sa Section 13 sa Local Government Code nga tanang pag-usab sa pangalan sa pampublikong ospital, health centers, ug health facilities sa LGU mo agi og konsultasyon sa maong komisyon.
Ang City Health Board gilangkoban ni City Mayor Hon. Jose E.Relampagos, City Councilor Hon. Atty. Wendel M.Enad, City Health Officer II Dr. Algae Rose A.Sumaoang-Hechanova, DOH XI Representative Rebecca Dollente, RN, Executive Assistant III Jo-Anne R.Capuyan, ug uban pang mga personahe sa CHO ug DOH.
Sa Distrito Dos, anaa sa Munisipyo sa Carmen ang District Public Hospital nga moserbisyo sa katawhan sa Panabo City ug sa mga munisipyo sa Carmen, Sto. Tomas, ug Dujali.
Gipaningkamotan sad ni City Mayor Jose E.Relampagos nga mahatagan og maayong serbisyong panlawas ang mga katawhan sa Panabo pinaagi sa mga programa sa Health Office. Sa mga nilabay nga bulan, gi anunsyo sad nga adunay itukod nga Public Hospital sa Panabo City pinaagi sa tabang ni Governor Hon. Edwin I.Jubahib ug District II Representative Hon. Alan R.Dujali.
Mo agi pa ang pagtugot sa Resolution sa CHB sa Committee Hearing sa Sangguniang Panlungsod sa July 16, 2020 nga pangulohan ni City Councilor Hon. Atty. Wendel M.Enad, Chairperson sa Committee on Health and Sanitation.
| cio
